Share Twitt Share

Түргэвчилсэн үнэлгээгээр эрсдэлтэй гэж гарсан өрхийн хөгжлийн бэрхшээлтэй охин тэргэнцэртэй боллоо

Засгийн газрын хэрэгжүүлэгч агентлаг Гэр бүл, хүүхэд залуучуудын хөгжлийн газраас “Эрсдэлт нөхцөлд амьдарч байгаа хүүхдийг илрүүлэх, хэрэгцээг тодорхойлох түргэвчилсэн үнэлгээ”-г өнгөрсөн гуравдугаар сард улсын хэмжээнд зохион байгуулсан. Түргэвчилсэн үнэлгээнд нийт 109.991 өрх хамрагдсан бөгөөд нийт өрхийн 19 хувь буюу 20 мянган өрх эрсдэлтэй, 47.6 хувь буюу 50 мянган өрх цаашдаа хөл хорио тогтоох арга хэмжээ үргэлжилбэл эрсдэлт нөхцөл рүү шилжих магадлалтай гэсэн судалгаа гарсан.

Иймээс Гэр бүл хүүхэд залуучуудын хөгжлийн газрын алба хаагчид тавдугаар сарын 1-нээс эхлэн нийслэлийн есөн дүүрэгт, эрсдэлт нөхцөлд амьдарч байгаа 90 өрхийн амьдарч буй орчин, нөхцөл байдалтай газар дээр нь очиж танилцан, шаардлагатай тусламж дэмжлэг үзүүлэн ажиллаж байгаа юм.

Тухайлбал, өнөөдөр Гэр бүл, хүүхэд, залуучуудын хөгжлийн газрын дэд дарга Б.Халиун, Гэр бүлийн хөгжлийн газрын дарга Н.Өлзийхутаг, Хяналт шинжилгээ, үнэлгээний газрын дарга Н.Оюунчимэг, “Ээлтэй ертөнц” ТББ-ын тэргүүн Т.Туяажаргал нар Хан-Уул дүүргийн 9 дүгээр хороонд амьдардаг Б-гийн хөгжлийн бэрхшээлтэй бяцхан охинд тэргэнцэр гардуулж өглөө. Б нь дөрвөн хүүхдийн ээж бөгөөд тодорхой эрхэлсэн ажилгүй, гэртээ хүүхдүүдээ асардаг байсан юм. Эрсдэлт нөхцөлд амьдарч буй энэ айлыг өнгөрсөн гуравдугаар сард улс даяар зохион байгуулсан Түргэвчилсэн үнэлгээний үеэр Гэр бүл, хүүхэд, залуучуудын хөгжлийн газраас анхааралдаа авч улмаар тусламж дэмжлэг үзүүлээд байсан. Тэгвэл өнөөдөр “Ээлтэй ертөнц” ТББ-ын дэмжлэгээр бяцхан охин тэргэнцэртэй боллоо. Улмаар дөрвөн хүүхдээ асран гэртээ суудаг байсан Б г "Ээлтэй ертөнц" ТББ-ын тэргүүн Т.Туяажаргалтай холбон зуучилснаар тус байгууллагад тогоочоор ажиллах боломжтой болсон төдийгүй хүүхүүдээ асран ажил орлогогүй байсан ээж хамт олонтой болж буй юм.

Ташрамд мэдээлэхэд Гэр бүл, хүүхэд залуучуудын хөгжлийн газрын алба хаагчид тавдугаар сарын 1-нээс 8-ны хооронд Түргэвчилсэн үнэлгээ хийх үеэр эрсдэлтэй гэж гарсан айлуудаар орж, нөхцөл байдалтай танилцсаар байгаа бөгөөд цаашид тусламж үзүүлсэн айл өрхийн мэдээллийг нэгтгэж, холбогдох төрийн болон төрийн бус байгууллагуудтай хамтран дэмжлэг туслалцаа үзүүлж ажиллах юм.    

Хүүхдийн хөгжил, хамгааллын газар

МОНГОЛ УЛСАД ХҮҮХДИЙН БАЙГУУЛЛАГА ҮҮСЭЖ ХӨГЖСӨНИЙ 95 ЖИЛИЙН ОЙН БАЯРЫН МЭНДЧИЛГЭЭ2020-05-08 08:20Дэлгэрэнгүй унших
Түргэвчилсэн үнэлгээгээр эрсдэлтэй гэж гарсан өрхийн хөгжлийн бэрхшээлтэй охин тэргэнцэртэй боллоо2020-05-07 18:46Дэлгэрэнгүй унших
Гэр бүл, хүүхэд залуучуудын хөгжлийн газраас эрсдэлт нөхцөлд амьдарч байгаа 90 өрхөд тусламж дэмжлэг үзүүллээ2020-05-07 08:56Дэлгэрэнгүй унших
Өнөөдөр хүүхдийг зодож шийтгэхийн эсрэг олон улсын өдөр2020-04-30 09:49Дэлгэрэнгүй унших
ХҮҮХЭД ХАМГААЛЛЫН ХАРИУ ҮЙЛЧИЛГЭЭ ҮЗҮҮЛЭХ ХУУЛИЙН ЭТГЭЭДЭД МАГАДЛАН ИТГЭМЖЛЭЛ ОЛГОЛОО2020-04-16 15:46Дэлгэрэнгүй унших
Хүүхдийн төрөлжсөн асрамж халамжийн ажилтан, албан хаагчдад халдварт өвчнөөс хэрхэн урьдчилан сэргийлэх талаар цахим сургалт зохион байгууллаа2020-04-13 18:43Дэлгэрэнгүй унших
Нийслэлийн халамж асрамжийн төвүүдэд дөрөв дэх удаагийн ариутгал хийгдлээ2020-04-08 12:51Дэлгэрэнгүй унших
ХҮҮХЭД ХАМГААЛЛЫН ТҮНШЛЭЛИЙН КОМПАКТ ГЭРЭЭНД ГАРЫН ҮСЭГ ЗУРЛАА2020-04-06 08:51Дэлгэрэнгүй унших
ГБХЗХГ: Онцгой нөхцөл байдал үүссэн энэ үед сэтгэл зүйн зөвлөгөө хэрхэн үзүүлэх талаар сургалт зохион байгууллаа2020-04-03 13:15Дэлгэрэнгүй унших
“Хүүхдийн тусламжийн 108 утасны үйлчилгээний төв”-ийн үйл ажиллагааг өргөжүүлэх талаар санал солилцов2020-04-03 13:08Дэлгэрэнгүй унших